ໂຮງແຮມ 5 ດາວ ໃນນະຄອນຫຼວງວຽງຈັນ - Crowne Plaza ວຽງຈັນ
ໂຮງແຮມ ຄຣາວ ພລາຊ່າ ວຽງຈັນ ຕັ້ງຢູ່ໃຈກາງນະຄອນຫຼວງວຽງຈັນ ເຊິ່ງເປັນໜຶ່ງໃນເມືອງທີ່ງຽບສະຫງົບທີ່ສຸດຂອງທະວີບອາຊີ. ນະຄອນຫຼວງວຽງຈັນ ເຕັມໄປດ້ວຍບ້ານ ແລະ ຕຶກເກົ່າແກ່ຮູບຊົງສະໄຕລຝຣັ່ງ, ຫໍອານຸສາວະລີ ແລະ ທາດຫຼວງ ຫຼື ເຈດີໃຫຍ່ ເຊິ່ງແມ່ນຫນຶ່ງໃນສະຖານທີ່ເຄົາລົບບູຊາທີ່ສັກສິດທີ່ສຸດຂອງປະເທດລາວ. ໂຮງແຮມ ຄຣາວ ພລາຊ່າ ວຽງຈັນ ແມ່ນຕັ້ງຢູ່ໃກ້ກັບສະຖານທູດໄທ ພ້ອມທັງໃກ້ກັບແມ່ນ້ຳຂອງ ແລະ ສາມາດເຂົ້າເຖິງບັນດາສະຖານທີ່ທ່ອງທ່ຽວທີ່ເປັນທີ່ນິຍົມໄດ້ຢ່າງສະດວກ ແລະ ໃຊ້ເວລາເດີນທາງຈາກສະໜາມບິນວັດໄຕ ພຽງແຕ່15ນາທີເທົ່ານັ້ນ. ທີ່ໂຮງແຮມ ຄຣາວ ພລາຊ່າ ວຽງຈັນ ບັນດາແຂກທຸກທ່ານບໍ່ວ່າຈະເປັນແຂກນັກທຸລະກິດ ຫຼື ນັກທ່ອງທ່ຽວ ລ້ວນແລ້ວແຕ່ໄດ້ຮັບການບໍລິການທີ່ມີປະສິດທິພາບ ແລະ ການພັກຜ່ອນທີ່ສະດວກສະບາຍທີ່ສຸດ.
ໃນຖານະທີ່ເປັນໂຮງແຮມຫ້າດາວລະດັບສາກົນແຫ່ງດຽວໃນນະຄອນຫຼວງວຽງຈັນ, ພວກເຮົາຈຶ່ງມີຈຸດມຸ້ງໝາຍທີ່ຈະເຮັດໃຫ້ແຂກໄດ້ຮັບຮູ້ເຖິງນິຍາມໃໝ່ຂອງການບໍລິການທີ່ເປັນເລີດ ໂດຍການລວມຕົວລະຫວ່າງສິ່ງອຳນວຍຄວາມສະດວກທີ່ທັນສະໄໝ ແລະ ການບໍລິການທີ່ຈິງໃຈທີ່ເໜືອກວ່າທີ່ແຂກຄາດຫວັງ. 197 ຫ້ອງພັກທີ່ໂຮງແຮມ ຄຣາວ ພລາຊ່າ ໃຫ້ບໍລິການອິນເຕີເນັດໄຮ້ສາຍທີ່ໄວທີ່ສຸດສະເພາະຫ້ອງຕໍ່ຫ້ອງ ເພື່ອໃຫ້ທ່ານສາມາດຕິດຕໍ່ສື່ສານກັບຄອບຄົວ ແລະ ໝູ່ເພື່ອນໄດ້ຕະຫຼອດຊ່ວງເວລາທີ່ເຂົ້າພັກ. ແຂກທີ່ເຂົ້າພັກສາມາດໃຊ້ບໍລິການເລືອກປະເພດໝອນຕ່າງໆໄດ້ຕາມໃຈ ເພື່ອການນອນຫຼັບສະບາຍຍິ່ງຂຶ້ນຂອງທ່ານເອງ, ມີໂຊນງຽບສະຫງົບ, ມີສະເປຣອາໂຣມາສຳລັບສີດໃສ່ຕຽງ ຫຼື ບໍລິເວນທົ່ວໄປໃນຫ້ອງພັກເພື່ອໃຫ້ຮູ້ສຶກຜ່ອນຄາຍ ແລະ ຫຼັບຝັນດີຕະຫຼອດຄືນ ພ້ອມກັນນັ້ນຍັງມີບໍລິການໂທປຸກໃນຕອນເຊົ້າທີ່ຈະຊ່ວຍໃຫ້ທ່ານໄດ້ກຽມພ້ອມມື້ໃໝ່ຂອງທ່ານອີກດ້ວຍ. ທີມງານພວກເຮົາທຸກຄົນມີຈຸດມຸ້ງໝາຍດຽວກັນຄື: ເຮັດໃຫ້ແຂກທຸກທ່ານຂອງເຮົາຮູ້ສຶກຜ່ອນຄາຍຫາຍເມື່ອຍ ແລະ ສະດວກສະບາຍທີ່ສຸດ. ພວກເຮົາເປັນໂຮງແຮມຫ້າດາວແຫ່ງທຳອິດໃນນະຄອນຫຼວງວຽງຈັນ ທີ່ນຳສະເໜີຫ້ອງຮັບຮອງແຂກພິເສດ ທີ່ຕອບສະໜອງຄວາມຕ້ອງການຂອງບັນດາແຂກນັກທຸລະກິດ - ມອບການບໍລິການທີ່ເປັນສ່ວນຕົວ ພ້ອມຮັບປະກັນຄວາມເພິ່ງພໍໃຈວ່າແຂກຈະໄດ້ຮັບເກີນກວ່າສິ່ງທີ່ແຂກໄດ້ຄາດຫວັງໄວ້ຕະຫຼອດຊ່ວງເວລາທີ່ພັກ.
ຫ້ອງຈັດງານປະຊຸມ ແລະ ສິ່ງອຳນວຍຄວາມສະດວກທີ່ທັນສະໄໝສາມາດຮອງຮັບທຸກໆກາລະໂອກາດ. ບັນດາບໍລິສັດທຸລະກິດຈາກຕ່າງປະເທດ ແລະ ນັກທ່ອງທ່ຽວ ລ້ວນແລ້ວແຕ່ໃຫ້ຄວາມສົນໃຈໃນສິ່ງທີ່ກຳລັງຈະເກີດຂຶ້ນໃນນະຄອນຫຼວງ ລວມເຖິງປະຊາຊົນ. ໃນສ່ວນຂອງພື້ນທີ່ສຳລັບຈັດງານໄດ້ຖືກອອກແບບໃຫ້ມີຄວາມລົງ ບໍ່ວ່າຈະເປັນງານປະຊຸມ, ງານສຳມະນາ, ງານເຝິກອົບຮົມ, ງານລ້ຽງສາມັກຄີ ຫຼື ງານອື່ນໆແບບສ່ວນຕົວ. ພວກເຮົາມີພະນັກງານບໍລິການທີ່ພຽບພ້ອມໄວ້ຄອຍອຳນວຍຄວາມສະດວກຢູ່ສະເໝີ ເພາະພວກເຮົາເຂົ້າໃຈເຖິງຄວາມສຳຄັນໃນງານຂອງທ່ານເປັນທີ່ສຸດ ແລະ ຄວາມສຳເລັດຂອງທ່ານ ປຽບເໝືອນຄວາມສຳເລັດຂອງເຮົາເຊັ່ນດຽວກັນ.
ຫຼັງຈາກຄວາມເມື່ອຍລ້າຈາກການທ່ອງທ່ຽວ ຫຼື ເລີກງານປະຊຸມທຸລະກິດຕ່າງໆ, ທ່ານສາມາດຟື້ນຟູຄວາມສົມດຸນໃຫ້ແກ່ຮ່າງກາຍ ແລະ ຈິດໃຈຢູ່ທີ່ ເຊັນເຊັດສ ສປາ. ພວກເຮົາເປັນໂຮງແຮມໜຶ່ງໃນນະຄອນຫຼວງວຽງຈັນທີ່ມີການບໍລິການນວດຜ່ອນຄາຍທີ່ເປັນເອກກະລັກສະເພາະ ທີ່ເຮັດໃຫ້ທ່ານຜ່ອນຄາຍຈາກຄວາມເມື່ອຍລ້າທັງໝົດ. ແຂກທີ່ເຂົ້າພັກສາມາດອອກກຳລັງກາຍໄດ້ຕະຫຼອດ 24ຊົ່ວໂມງ ທີ່ສູນອອກກຳລັງກາຍຂອງໂຮງແຮມທີ່ພ້ອມດ້ວຍອຸປະກອນເຄື່ອງຫຼິ້ນຫຼາກຫຼາຍຄົບຄັນ ແລະ ໄດ້ມາດຕະຖານສາກົນ ຫຼື ເພີດເພີນກັບການລອຍນຳ້ຢ່າງສົດຊື່ນພ້ອມຊົມວິວທົ່ວຕົວເມືອງເທິງຊັ້ນສາມຂອງໂຮງແຮມ. ຮ້ານອາຫານຂອງເຮົານຳສະເໜີອາຫານພິເສດຫຼາກຫຼາຍທີ່ປຸງແຕ່ງໂດຍພໍ່ຄົວລະດັບໂລກ ເຊິ່ງແຕ່ລະເມນູລ້ວນແລ້ວແຕ່ມີເລື່ອງເລົ່າຂອງມັນ. ທ່ານສາມາດເພີດເພີນກັບການຮັບປະທານອາຫານສະໄຕລຕະຫຼາດສົດທີ່ປຸງແຕ່ງສົດໃໝ່ໃຫ້ທ່ານໄດ້ເລືອກຊິມທີ່ຫ້ອງອາຫານ ໂມເສກ ຫຼື ຈະລອງສຳພັດກັບການຮັບປະທານອາຫານສະໄຕລ 3ເມີເຈັ້ນ ເຊິ່ງນຳສະເໜີເມນູອາຫານທີ່ສ້າງສັນສະໄຕລອິນດູຈີນມາໃຫ້ທ່ານໃນສຳພັດທີ່ນີ້ທີ່ດຽວໃນນະຄອນຫຼວງວຽງຈັນ.
ໂຮງແຮມ ຄຣາວ ພລາຊ່າ ວຽງຈັນ ມີຈຸດມຸ້ງໝາຍທີ່ຈະຕອບສະໜອງຄວາມຕ້ອງການຂອງບັນດາແຂກທຸກທ່ານຢ່າງຈິງໃຈ ແລະ ຂໍໃຫ້ທ່ານໄວ້ວາງໃຈວ່າທ່ານຈະໄດ້ຮັບການດູແລ ແລະ ຄວາມສະດວກສະບາຍປຽບດັ່ງພັກຢູ່ບ້ານຂອງທ່ານເອງ.
