ເມື່ອທ່ານຈອງຫ້ອງພັກທີ່ໂຮງແຮມພ້ອມວິວແມ່ນໍ້າຂອງໃນວຽງຈັນ, ປະເທດລາວ, ທ່ານຈະເລີ່ມເຂົ້າໃຈວ່າເປັນຫຍັງສາຍນໍ້າອັນສະຫງ່າງາມແຫ່ງນີ້ ຈຶ່ງມີຄວາມສໍາຄັນຫຼາຍຕໍ່ປະຊາຊົນລາວ. ແມ່ນໍ້າຂອງມີຄວາມຍາວ 4,350 ກິໂລແມັດ ແລະ ໄຫຼຜ່ານ ປະເທດມຽນມາ, ລາວ, ໄທ, ກໍາປູເຈຍ ແລະ ຫວຽດນາມ ກ່ອນທີ່ຈະໄຫຼລົງສູ່ທະເລຈີນໃຕ້. ສາຍນໍ້າແຫ່ງນີ້ເຮັດໜ້າທີ່ເປັນດັ່ງເສັ້ນເລືອດໃຫຍ່ລໍ່ລ້ຽງປະເທດຕ່າງໆ ທີ່ມັນໄຫຼຜ່ານ ລວມທັງປະຊາກອນຫຼາຍລ້ານຄົນສະເໝີມາ. ແຕ່ເນື່ອງຈາກຄວາມຫຍຸ້ງຍາກໃນການເດີນເຮືອຕັ້ງແຕ່ຕົ້ນຈົນຈົບສາຍ, ມັນຈຶ່ງເຮັດໃຫ້ພາກພື້ນນີ້ຖືກແບ່ງແຍກຫຼາຍກວ່າທີ່ຈະຮວບຮວມປະເທດຕ່າງໆຕາມແຄມຝັ່ງໃຫ້ເປັນໜຶ່ງດຽວ. ໃນປີ 1995, ສີ່ປະເທດຕາມລຳນໍ້າໄດ້ຮ່ວມກັນຈັດຕັ້ງ ຄະນະກຳມາທິການແມ່ນໍ້າຂອງ (Mekong River Commission ຫຼື MRC) ຂຶ້ນມາ. ປະເທດກໍາປູເຈຍ, ລາວ, ໄທ ແລະ ຫວຽດນາມ ມີຄວາມມຸ່ງໝັ້ນທີ່ຈະສ້າງອົງກອນກຳກັບດູແລ ທີ່ສາມາດບໍລິຫານຈັດການ ແລະ ປະສານງານໃນການດູແລ ແລະ ອະນຸລັກແມ່ນໍ້າ ເພື່ອຜົນປະໂຫຍດຂອງທຸກໆຝ່າຍ. ໃນປີ 1996, ປະເທດຈີນ ແລະ ມຽນມາ ໄດ້ເຂົ້າຮ່ວມຄະນະກຳມາທິການໃນຖານະ "ຄູ່ເຈລະຈາ" (Dialogue partners), ແລະ ໃນປັດຈຸບັນ ທັງຫົກປະເທດນີ້ກໍໄດ້ເຮັດວຽກຮ່ວມກັນພາຍໃຕ້ບັນຍາກາດແຫ່ງຄວາມຮ່ວມມື. ຫວ່າງມໍ່ໆນີ້, ປະເທດຈີນໄດ້ສະເໜີແຜນການຂຸດລອກ ແລະ ລະເບີດເກາະແກ້ງຕາມລຳນໍ້າ ເພື່ອທຳລາຍສິ່ງກີດຂວາງທີ່ເຮັດໃຫ້ການເດີນເຮືອຕະຫຼອດທັງສາຍເປັນໄປໄດ້ຍາກ. ແຜນການນີ້ຖືກອອກແບບມາເພື່ອເປີດເສັ້ນທາງນໍ້າໃຫ້ຮອງຮັບການຂົນສົ່ງສິນຄ້າໄດ້ຫຼາຍຂຶ້ນ ແລະ ນຳເອົາຄວາມຈະເລີນຮຸ່ງເຮືອງມາສູ່ປະເທດຕາມແຄມຝັ່ງ. ແຕ່ດ້ວຍກະແສການຄັດຄ້ານຢ່າງຮຸນແຮງຈາກກຸ່ມຊາວປະມົງ ແລະ ອົງກອນອະນຸລັກສິ່ງແວດລ້ອມ, ປະກອບກັບການບໍ່ໄດ້ຮັບການສະໜັບສະໜູນຫຼາຍປານໃດຈາກອີກຫ້າປະເທດໃນຄະນະກຳມາທິການ, ແຜນການນີ້ຈຶ່ງຖືກຍົກເລີກໄປ. ດັ່ງນັ້ນ, ຢ່າງໜ້ອຍໃນອະນາຄົດອັນໃກ້ນີ້, ແມ່ນໍ້າຂອງຈະຍັງຄົງເປັນສະຖານທີ່ທ່ອງທ່ຽວອັນງົດງາມຕາມທຳມະຊາດທີ່ບໍ່ຖືກລົບກວນຂອງວຽງຈັນ, ເຊັ່ນດຽວກັນກັບເປັນສະຖານທີ່ທ່ອງທ່ຽວໃນອີກຫ້າປະເທດຕາມແຄມຝັ່ງ.

ສາຍນໍ້າແຫ່ງຄວາມຫຼາກຫຼາຍທາງຊີວະນາໆພັນທາງນໍ້າ

ອົງກອນອະນຸລັກທຳມະຊາດ ແລະ ສັດປ່າ, ລວມທັງຊາວປະມົງທີ່ລ້ຽງຊີບດ້ວຍແມ່ນໍ້າຂອງ ຕ່າງກໍຖອນຫາຍໃຈດ້ວຍຄວາມໂລ່ງອົກຕໍ່ການຕັດສິນໃຈດັ່ງກ່າວ. ແມ່ນໍ້າຂອງມີຄວາມຫຼາກຫຼາຍທາງຊີວະນາໆພັນເປັນອັນດັບສອງຮອງຈາກແມ່ນໍ້າອາມາຊອນໃນທະວີບອາເມລິກາໃຕ້ເທົ່ານັ້ນ, ແລະ ເປັນສາຍນໍ້າທີ່ມີຄວາມໜາແໜ້ນຂອງຊີວະນາໆພັນຕໍ່ເຮັກຕາສູງທີ່ສຸດໃນໂລກ. ປະຊາຊົນທີ່ອາໄສຢູ່ຕາມແຄມນໍ້າ ມີລະບົບການປະມົງທີ່ຖືກດູແລຢ່າງດີ ເຊິ່ງມີທັງການເພາະພັນສັດນໍ້າແບບຄວບຄຸມ ແລະ ການຫາປາຕາມທຳມະຊາດ ເຊິ່ງປະຊາຊົນໃນເຂດຊົນນະບົດທີ່ທຸກຍາກຕາມແຄມນໍ້າສາມາດໃຊ້ເປັນແຫຼ່ງລາຍຮັບໄດ້. ຄາດຄະເນວ່າແມ່ນໍ້າຂອງສາມາດມອບຜົນຜະລິດປາຈາກການຫາປາຕາມທຳມະຊາດໄດ້ປະມານສອງລ້ານໂຕນຕໍ່ປີ, ໂດຍມີການເພາະພັນສັດນໍ້າຊ່ວຍເສີມອີກສອງລ້ານໂຕນ. ໃນປັດຈຸບັນ, ປະຊາກອນເກືອບ 40 ລ້ານຄົນຈາກທຸກປະເທດຕາມລຳນໍ້າຂອງ ແມ່ນລ້ຽງຊີບດ້ວຍການຫາປາຕາມທຳມະຊາດເຫຼົ່ານີ້. ປະເທດລາວແມ່ນເພິ່ງພາແມ່ນໍ້າຂອງເປັນພິເສດ ໂດຍມີຄົວເຮືອນໃນເຂດຊົນນະບົດຫຼາຍກວ່າ 70% ທີ່ຕ້ອງອາໄສການຫາປາຕາມທຳມະຊາດເພື່ອການກຸ້ມຕົນເອງ ຫຼື ເປັນລາຍຮັບເພີ່ມ.

ສະຖານທີ່ທ່ອງທ່ຽວຂອງວຽງຈັນ

ໃນການຈອງຫ້ອງພັກໂຮງແຮມພ້ອມວິວແມ່ນໍ້າຂອງໃນວຽງຈັນ, ຄວາມສໍາຄັນຂອງສາຍນໍ້າໃນຖານະສະຖານທີ່ທ່ອງທ່ຽວຈະປະກົດໃຫ້ເຫັນຢ່າງຈະແຈ້ງໃນບໍ່ຊ້າ, ບໍ່ພຽງແຕ່ເປັນແຫຼ່ງປາ ແລະ ລາຍຮັບເທົ່ານັ້ນ, ແຕ່ຍັງເປັນຈຸດໝາຍປາຍທາງເພື່ອການພັກຜ່ອນຢ່ອນໃຈອີກດ້ວຍ. ຜືນນໍ້າອັນກວ້າງໃຫຍ່ເບິ່ງຄືວ່າມີມົນສະເໜ່ ແລະ ດຶງດູດຜູ້ຄົນທົ່ວໂລກສະເໝີມາ, ແລະ ຊາວເມືອງວຽງຈັນກໍບໍ່ຕ່າງກັນ. ໃນຍາມຕາເວັນຕົກດິນຕາມແຄມຝັ່ງຂອງວຽງຈັນ, ທ່ານຈະໄດ້ເຫັນຜູ້ຄົນນັບພັນຫຼັ່ງໄຫຼກັນລົງມາທີ່ທາງຢູ່າງ ແລະ ສວນສາທາລະນະແຄມນໍ້າ ເພື່ອຊົມຕາເວັນຕົກດິນ ແລະ ນັ່ງລົມກັນກັບໝູ່ເພື່ອນ ແລະ ຄອບຄົວ. ການຈອງໂຮງແຮມພ້ອມວິວແມ່ນໍ້າຂອງໃນວຽງຈັນ ຍັງຈະມອບພາບວິວຕາເວັນຕົກດິນອັນງົດງາມຕາໃຫ້ແກ່ຜູ້ມາຢ້ຽມຢາມອີກດ້ວຍ. ຕະຫຼາດກາງຄືນຂອງວຽງຈັນແມ່ນຕັ້ງຢູ່ໃກ້ກັບແມ່ນໍ້າ, ເຊັ່ນດຽວກັນກັບບາ ແລະ ຫ້ອງອາຫານຫຼາກຫຼາຍແຫ່ງ, ເຮັດໃຫ້ບໍລິເວນແຄມນໍ້າກາຍເປັນສະຖານທີ່ທ່ອງທ່ຽວຫຼັກຂອງວຽງຈັນ. ຫາກທ່ານມາຢ້ຽມຢາມເມືອງນີ້ໃນຊ່ວງເວລາໃດໜຶ່ງຂອງປີ, ທ່ານກໍຈະໄດ້ເພີດເພີນໄປກັບງານເທດສະການ ແລະ ການແຂ່ງຂັນເຮືອຊ່ວງຕາມລຳນໍ້າອີກດ້ວຍ. ການຍ່າງຫຼິ້ນຕາມແຄມນໍ້າໃນຍາມຕາເວັນຕົກດິນ ແມ່ນໜຶ່ງໃນວິທີທີ່ດີທີ່ສຸດໃນການປະສົມປະສານເຂົ້າກັບຊາວເມືອງວຽງຈັນ. ຫາກທ່ານພັກຢູ່ໃນໂຮງແຮມພ້ອມວິວແມ່ນໍ້າຂອງໃນວຽງຈັນ, ທ່ານກໍຈະສາມາດເຫັນກິດຈະກຳປະຈຳວັນເທິງສາຍນໍ້າແຫ່ງນີ້ ໄດ້ຢ່າງຊັດເຈນ. ສິ່ງນີ້ອາດເຮັດໃຫ້ທ່ານຮັບຮູ້ເຖິງຄວາມສໍາຄັນຂອງແມ່ນໍ້າທີ່ມີຕໍ່ວິຖີຊີວິດຂອງປະຊາຊົນລາວ. ນອກຈາກການຫາປາແລ້ວ, ທ່ານຈະໄດ້ເຫັນເຮືອຂົນສົ່ງອາຫານ ແລະ ສິນຄ້າອອກເດີນທາງຈາກລາວ ເພື່ອໄປສົ່ງສິນຄ້າໃຫ້ກັບເມືອງ ແລະ ໝູ່ບ້ານນ້ອຍໆ ທັງທາງເໜືອ ແລະ ທາງໃຕ້ຕາມລຳນໍ້າ. ການໃຊ້ເວລາໃນຍາມເຊົ້າຈິບກາເຟໃນຮ້ານຄາເຟ ແລະ ເບິ່ງກິດຈະກຳອັນຄຶກຄັກເທິງສາຍນໍ້າ ກໍຖືເປັນສະຖານທີ່ທ່ອງທ່ຽວຂອງວຽງຈັນໃນຕົວມັນເອງ. ດ້ວຍການຈອງຫ້ອງພັກທີ່ ໂຮງແຮມ ຄຣາວ ພລາຊ่า ວຽງຈັນ, ທ່ານຈະສາມາດເພີດເພີນໄປກັບໂຮງແຮມໃນວຽງຈັນພ້ອມວິວແມ່ນໍ້າຂອງ ໃນຫ້ອງພັກຫຼາກຫຼາຍຮູບແບບທີ່ໂຮງແຮມມີໃຫ້ບໍລິການ. ກະລຸນາແຈ້ງຄວາມປະສົງຂໍຫ້ອງພັກພ້ອມວິວແມ່ນໍ້າ ເມື່ອທ່ານຈອງຫ້ອງພັກ, ທ່ານຈະຮູ້ສຶກປະທັບໃຈກັບວິວທິວທັດ ແລະ ອາດໃຊ້ເວລາຫຼາຍຊົ່ວໂມງໃນການນັ່ງເບິ່ງກິດຈະກຳເທິງສາຍນໍ້າ. ແຕ່ຢ່າລືມອອກໄປຮ່ວມກັບຊາວເມືອງວຽງຈັນໃນການຊົມຕາເວັນຕົກດິນ ເພື່ອສຳຜັດເຖິງຄວາມອົບອຸ່ນ ແລະ ຄວາມເປັນມິດຂອງປະຊາຊົນລາວ. ໃນຂະນະທີ່ທ່ານຍ່າງຊົມຕາເວັນຕົກດິນຕາມທາງຢູ່າງແຄມນໍ້າ, ທ່ານສາມາດແວະຊິມອາຫານຕາມຮ້ານຂາຍເຄື່ອງຕ່າງໆ ແລະ ເພີດເພີນໄປກັບລົດຊາດອາຫານລາວອັນແຊບຊ້ອຍໃນລະຫວ່າງທີ່ລໍຖ້າຕາເວັນຕົກດິນ. ແລະ ກະລຸນາຢ່າລືມເອົາກ້ອງຖ່າຍຮູບຂອງທ່ານມາ ນຳເດີ້, ເພາະແມ່ນໍ້າຂອງຈະເປັນສາກຫຼັງອັນດີເລີດ ໃຫ້ກັບການພັກຜ່ອນອັນແສນປະທັບໃຈຂອງທ່ານ ໃກ້ກັບສະຖານທີ່ທ່ອງທ່ຽວອັນເປັນທີ່ຮັກແພງຂອງວຽງຈັນ.