ກຽມຄວາມພ້ອມຢ່າງເໜືອລະດັບ ກ່ອນການເດີນທາງມາລາວ ທີ່ໂຮງແຮມ ຄຣາວ ພລາຊ່າ ວຽງຈັນ
ການເດີນທາງມາເຮັດວຽກ ຫຼື ໄປທຸລະກິດ ມັກຈະມີຄວາມເຄັ່ງຕຶງຢູ່ສະເໝີ ບໍ່ວ່າທ່ານຈະລຶ້ງເຄີຍກັບມັນຫຼາຍປານໃດກໍຕາມ. ມັນມີບາງສິ່ງບາງຢ່າງກ່ຽວກັບການຈັດການທຸກໆ ຢ່າງໃຫ້ລົງຕົວ ເພື່ອຮັບປະກັນວ່າການເດີນທາງຂອງທ່ານຈະມີປະສິດທິພາບ ເຊິ່ງຟັງເບິ່ງແລ້ວເປັນເລື່ອງທີ່ອິດເມື່ອຍຫຼາຍ. ນັກເດີນທາງທຸລະກິດທີ່ມີປະສົບການຈະຮູ້ດີວ່າ ສິ່ງທີ່ດີທີ່ສຸດສຳລັບການເພີ່ມປະສິດທິພາບ ແລະ ຄວາມສຳເລັດໃນການເດີນທາງເຮັດວຽກ ຄືການຮັບປະກັນວ່າລະດັບພະລັງງານໃນຮ່າງກາຍຂອງທ່ານແມ່ນເຕັມຮ້ອຍ ແລະ ມີສະມາທິທີ່ແນ່ວແນ່ສຸດໆ. ທີ່ ໂຮງແຮມ ຄຣາວ ພລາຊ່າ ວຽງຈັນ, ພວກເຮົາຕັ້ງໝັ້ນທີ່ຈະຮັບປະກັນວ່າທ່ານຈະສາມາດຮັກສາຟອມທີ່ດີທີ່ສຸດຂອງທ່ານໄດ້ໃນທຸກໆ ການເດີນທາງມາເຮັດທຸລະກິດຢູ່ ສປປ ລາວ. ດ້ວຍການບໍລິການທີ່ເນັ້ນໃສ່ການເຮັດທຸລະກິດ, ໂຄງສ້າງພື້ນຖານທີ່ດີເລີດ ແລະ ການເຊື່ອມຕໍ່ທີ່ຍອດຢ້ຽມ, ພວກເຮົາເຊື່ອໝັ້ນວ່າ ແຂກຂອງພວກເຮົາຈະຢູ່ໃນຈຸດທີ່ດີທີ່ສຸດທີ່ຈະປະສົບຄວາມສຳເລັດໃນການເດີນທາງຂອງພວກເຂົາ.
ໂຮງແຮມ ຄຣາວ ພລາຊ່າ ວຽງຈັນ ຕັ້ງຢູ່ໃຈກາງເມືອງຈັນທະບູລີ, ເຊິ່ງຫ່າງຈາກສະໜາມບິນສາກົນວັດໄຕ ພຽງແຕ່ 15 ນາທີເທົ່ານັ້ນ. ຫ້ອງພັກ ແລະ ຫ້ອງຊຸດທັງໝົດ 197 ຫ້ອງ ພາຍໃນໂຮງແຮມ ແມ່ນພ້ອມແລ້ວທີ່ຈະຕ້ອນຮັບ ແລະ ຮອງຮັບແຂກທຸກຮູບແບບ. ສິ່ງອຳນວຍຄວາມສະດວກຂອງພວກເຮົາ ລວມມີ ຟິດເນສເຊັນເຕີ, ສະຫຼອຍນ້ຳກາງແຈ້ງ, ສະປາ ພ້ອມທັງຮ້ານອາຫານ ແລະ ບາ ຫຼາກຫຼາຍແຫ່ງ ເຊິ່ງບາງຮ້ານຍັງມີບໍລິການອາຫານຕະຫຼອດທັງວັນ (All-day Dining) ອີກດ້ວຍ. ສິ່ງອຳນວຍຄວາມສະດວກດ້ານທຸລະກິດຂອງພວກເຮົາແມ່ນມີຄວາມຫຼາກຫຼາຍ ແລະ ຄົບວົງຈອນ ເນື່ອງຈາກພວກເຮົາຢາກນຳສະເໜີຫ້ອງປະຊຸມ, ສິ່ງອຳນວຍຄວາມສະດວກໃນການຈັດຄອນເຟີເຣັນທີ່ດີທີ່ສຸດ ພ້ອມທັງມີທີມງານມືອາຊີບຄອຍຄວບຄຸມ ແລະ ບໍລິຫານຈັດການທຸກກິດຈະກຳໃຫ້ດຳເນີນໄປຢ່າງຮຽບຮ້ອຍ ແລະ ລາບລື່ນ.
ການຈັດງານປະຊຸມທີ່ ຄຣາວ ພລາຊ່າ (Meetings at Crowne Plaza)
ໂຮງແຮມ ຄຣາວ ພລາຊ່າ ວຽງຈັນ ມີຫ້ອງປະຊຸມຫຼາກຫຼາຍຂະໜາດ ທີ່ສາມາດຮອງຮັບຈຳນວນຜູ້ເຂົ້າຮ່ວມທີ່ແຕກຕ່າງກັນ ພ້ອມທັງສາມາດຈັດວາງຮູບແບບບ່ອນນັ່ງໄດ້ຢ່າງຫຼາກຫຼາຍ. ເພື່ອຄົ້ນຫາວ່າຫ້ອງປະຊຸມຮູບແບບໃດທີ່ຕອບໂຈດຄວາມຕ້ອງການຂອງທ່ານທີ່ສຸດ, ທ່ານສາມາດສົ່ງແບບຟອມສອບຖາມຂໍ້ມູນມາຍັງພວກເຮົາໄດ້ ໂດຍພວກເຮົາຮັບປະກັນວ່າຈະຕອບກັບຄືນພ້ອມຂໍ້ມູນພື້ນທີ່, ລາຄາ ແລະ ຫ້ອງຫວ່າງໃຫ້ທ່ານຮັບຊາບພາຍໃນ 2 ຊົ່ວໂມງ. ນີ້ຄືໜຶ່ງໃນສີ່ເຫດຜົນຫຼັກທີ່ພວກເຮົາເຊື່ອໝັ້ນວ່າທ່ານຄວນເລືອກຈັດງານປະຊຸມທີ່ ໂຮງແຮມ ຄຣາວ ພລາຊ່າ ວຽງຈັນ. ເຫດຜົນທີສອງຄື ພວກເຮົາມີຜູ້ອຳນວຍການຝ່າຍຈັດງານປະຊຸມ (Dedicated Meetings Director) ປະຈຳຢູ່ໂຮງແຮມ ທີ່ຈະຄອຍເປັນຈຸດປະສານງານຫຼັກ ແລະ ຜູ້ຄວບຄຸມດູແລການຈັດງານທັງໝົດ. ນອກຈາກນັ້ນ ພວກເຮົາຢັງມີການສະຫຼຸບລາຍລະອຽດການປະຊຸມປະຈຳວັນ (Daily Meeting Debrief) ເຊິ່ງລວມມີລາຍການຄ່າໃຊ້ຈ່າຍຕ່າງໆ ຢ່າງລະອຽດ ເພື່ອໃຫ້ທ່ານສາມາດບໍລິຫານງົບປະມານການປະຊຸມຂອງທ່ານໄດ້ແບບຮຽວທາມ (Real-time). ສຸດທ້າຍນີ້, ບໍລິການຈັດງານປະຊຸມຂອງພວກເຮົາແມ່ນໄດ້ຮັບຄະແນນຄວາມພຶງພໍໃຈທີ່ສູງຫຼາຍ ຈາກນັກຈັດງານຈຳນວນຫຼວງຫຼາຍທີ່ເຄີຍໄດ້ໃຊ້ບໍລິການແພັກເກດງານປະຊຸມຂອງພວກເຮົາໃນຜ່ານມາ. ທ່ານສາມາດຍ່າງຊົມລາຍການແພັກເກດງານປະຊຸມຂອງພວກເຮົາເພື່ອຮຽນຮູ້ເພີ່ມເຕີມກ່ຽວກັບສິ່ງທີ່ພວກເຮົານຳສະເໜີ ຫຼື ສົ່ງແບບຟອມສອບຖາມຂໍ້ມູນມາຫາພວກເຮົາໄດ້ດັ່ງທີ່ໄດ້ກ່າວໄວ້ຂ້າງເທິງ.
ການພັກຜ່ອນ, ການເຕີມພະລັງ ແລະ ການຟື້ນຟູ (Rest, Recharge and Rejuvenation)
ພວກເຮົາຮູ້ດີວ່າການຮັກສາກິດຈະວັດປະຈຳວັນຂອງທ່ານແມ່ນມີຄວາມສຳຄັນ ບໍ່ວ່າຈະເປັນການອອກກຳລັງກາຍຢ່າງເຕັມທີ່ ຫຼື ການໄປລອຍນ້ຳ, ພວກເຮົາຍອມຮັບ ແລະ ເຂົ້າໃຈວ່າສິ່ງນີ້ເປັນສ່ວນໜຶ່ງທີ່ສຳຄັນໃນຊີວິດຂອງທ່ານ. ຟິດເນສເຊັນເຕີທີ່ຕິດຕັ້ງອຸປະກອນຢ່າງຄົບຊຸດຂອງພວກເຮົາແມ່ນເປີດບໍລິການຕະຫຼອດ 24 ຊົ່ວໂມງ (24/7), ເຊິ່ງໝາຍຄວາມວ່າທ່ານສາມາດມາ ອອກກຳລັງກາຍໄດ້ທຸກເວລາທີ່ຕ້ອງການ ບໍ່ວ່າຈະເປັນຕອນເວັນ ຫຼື ຕອນຄືນ. ສະຫຼອຍນ້ຳຂອງພວກເຮົາມີໄວ້ພ້ອມສຳລັບແຂກທີ່ຕ້ອງການອອກກຳລັງກາຍ ຫຼື ພຽງແຕ່ຢາກມາລອຍນ້ຳຜ່ອນຄາຍຄວາມຮ້ອນຫຼັງຈາກມື້ເຮັດວຽກອັນຍາວນານ. ທ່ານຍັງສາມາດສັ່ງຂອງວ່າງ, ເຄື່ອງດື່ມ ແລະ ອາຫານເບົາໆ ມາຮັບປະທານຢູ່ບໍລິເວນແຄມສະ ແລະ ເພີດເພີນໄປກັບບັນຍາກາດກາງແຈ້ງໄດ້. ເລີ່ມຕົ້ນວັນໃໝ່ດ້ວຍຄວາມສົດຊື່ນ ຫຼື ປັດເປົ່າຄວາມເຄັ່ງຕຶງໃນທ້າຍມື້ ດ້ວຍທຣີດເມັນສະປາທີ່ຫຼາກຫຼາຍ ຢູ່ ເຊັນເຊສ໌ (Senses), ສະປາເພື່ອຄວາມຜ່ອນຄາຍຂອງພວກເຮົາ. ຕັ້ງແຕ່ການດູແລຜິວພັນໄປຈົນເຖິງການນວດ, ເຊັນເຊສ໌ ສະປາ ແມ່ນສະຖານທີ່ສຳລັບການປີນປົວ ແລະ ຄວາມຜ່ອນຄາຍຢ່າງແທ້ຈິງ. ອີ່ມອະລ່ອຍໄດ້ຕາມໃຈປາດຖະໜາທີ່ຮ້ານອາຫານຫຼາກຫຼາຍແຫ່ງ ຢູ່ ໂຮງແຮມ ຄຣາວ ພລາຊ່າ ວຽງຈັນ. ຮ້ານອາຫານ ແລະ ເຄື່ອງດື່ມຂອງພວກເຮົາແມ່ນຮວບຮວມເອົາອາຫານຫຼາກຫຼາຍສັນຊາດ ແລະ ຫຼາຍຮ້ານກໍມີບໍລິການຕະຫຼອດທັງວັນ ເພື່ອໃຫ້ທ່ານສາມາດຮັບປະທານອາຫານໄດ້ທຸກເວລາທີ່ຕ້ອງການ.
ສຸດທ້າຍນີ້, ຫ້ອງພັກ ແລະ ຫ້ອງຊຸດ ຢູ່ ໂຮງແຮມ ຄຣາວ ພລາຊ່າ ວຽງຈັນ ແມ່ນໄດ້ຮັບການອອກແບບຢ່າງປານີດ ເພື່ອມອບປະໂຫຍດການໃຊ້ສອຍສູງສຸດໃຫ້ແກ່ແຂກຂອງພວກເຮົາ. ເຄື່ອງນອນລະດັບພຣີມຽມ, ໂຊນຫ້ອງພັກທີ່ງຽບສະຫງົບ ແລະ ບໍລິການໂທປຸກທີ່ຮັບປະກັນຄວາມແມັດຢຳ ແມ່ນມີຂຶ້ນເພື່ອຊ່ວຍໃຫ້ທ່ານໄດ້ຮັບການນອນຫຼັບທີ່ເຕັມອີ່ມ ແລະ ປາສະຈາກການລົບກວນ. ນອກນັ້ນ ຍັງມີບໍລິການ Wi-Fi ຟຣີ ແລະ ມີປັກສຽບໄຟຈຳນວນຫຼາຍທີ່ຕັ້ງຢູ່ໃນຈຸດທີ່ສະດວກສະບາຍພາຍໃນທຸກໆ ຫ້ອງພັກ.
ພາລະກິດຂອງພວກເຮົາຄືການສ້າງສະພາບແວດລ້ອມທີ່ດີທີ່ສຸດ ເພື່ອໃຫ້ແຂກຂອງພວກເຮົາໄດ້ມີຄວາມສຸກ, ໄດ້ຮັບຄວາມສະດວກສະບາຍ ແລະ ສາມາດເຮັດວຽກໄດ້ຢ່າງມີປະສິດທິພາບໃນລະຫວ່າງທີ່ຢູ່ວຽງຈັນ. ຜ່ານການບໍລິການ, ສິ່ງອຳນວຍຄວາມສະດວກຕ່າງໆ ທີ່ພວກເຮົາໄດ້ກ່າວມາ, ພວກເຮົາຫວັງຢ່າງຍິ່ງວ່າທ່ານຈະເລືອກພັກຢູ່ນຳພວກເຮົາໃນການເດີນທາງມາວຽງຈັນຄັ້ງຕໍ່ໄປຂອງທ່ານ.