ສວນອາຫານທີ່ຫ້າມພາດພ້ອມທຳມະຊາດສຸດປັງ
ສວນອາຫານທີ່ຫ້າມພາດພ້ອມທຳມະຊາດສຸດປັງ
ໃນມື້ວ່າງໆ ແລະ ອາກາດດີໆ ເຊື່ອວ່າຫຼາຍຄົນກຳລັງວາງແຜນຢາກອອກໄປທ່ຽວ ແລະ ກິນອາຫານແຊບໆ. ມື້ນີ້ແອັດມີແນວດີໆ ພິເສດໆ ມາແນະນຳ ເຊິ່ງບໍ່ແມ່ນພຽງແຕ່ເປັນຮ້ານອາຫານທຳມະດາໆ ແຕ່!! ເປັນສວນອາຫານທີ່ບັນຍາກາດດີ ທີ່ມາພ້ອມກັບອາຫານທີ່ແຊບ ບວກກັບຄວາມຊິລໆ ໄດ້ຟີລແບບທຳມະຊາດໆໃນວຽງຈັນໄປອີກ!! ຈະມີຮ້ານໃດນັ້ນ ມາເຊັກໄປພ້ອມກັນເລີຍ!!
|
1. ສວນອາຫານພະຂາວ
(Pakhao Garden Restaurant)
ເປັນສວນອາຫານທີ່ຄົນນິຍົມໄປຫຼາຍເພາະມີບັນຍາກາດທີ່ທຳມະຊາດ ເຊິ່ງຈຸດພິເສດຮ້ານນີ້ກໍແມ່ນການຈັດສັນຕູບແຄມນ້ຳ ໄວ້ນັ່ງຊິລໆ ຮັບປະທານອາຫານແຊບໆ ແຖມສະຖານທີ່ກໍກວ້າງຂວາງ ມີເດີ່ນຫຍ້າສີຂຽວໃຫ້ຍ່າງຫຼິ້ນ ບໍ່ແອອັດ ຮັບເອົາອາກາດດີໆສົດຊື່ນ ເໝາະແກ່ການພັກຜ່ອນອີຫຼີ ແລະ ມີບ່ອນຫຼິ້ນໃຫ້ເດັກນ້ອຍນຳ.
ເປີດທຸກວັນ ເວລາ: 11.00-22.00
ໂທ: +85620 5570 9696
ສະຖານທີ່: ຫຼັກ 7, ຖ. ໜອງດູ່ ເລກທີ 13 ໃຕ້, ບ. ພະຂາວ, ວຽງຈັນ 0100
ເຟສບຸຄ ເພຈ: Phakhao Garden Restaurant ສວນອາຫານ ພະຂາວ - PK Garden
|
2. ສວນອາຫານຈຳປາມຸງຄຸນ
(Champa Garden and Restaurant)
ເປັນສວນອາຫານທີ່ເໝາະກັບຄົນທີ່ຢາກໄປພັກຜ່ອນແຄມນ້ຳ ທີ່ກວ້າງຂວາງ ເປັນອີກຮ້ານທີ່ໜ້າສົນໃຈ ດ້ວຍການອອກແບບທີ່ປະສົມທັງບ່ອນນັ່ງໃກ້ແຄມນ້ຳກໍດີ ບ່ອນນັ່ງຢູ່ເທິງບົກກໍດີ ມີແບບອິນດໍຣ໌ ທີ່ເປີດແອຣ໌ເຢັນໆ ກໍລ້ວນແລ້ວແຕ່ໃຫ້ອາລົມ ແລະ ຟີລລິ້ງແຕກຕ່າງກັນອອກໄປ ໂດຍສະເພາະຈຸດພິເສດຂອງຮ້ານນີ້ກໍແມ່ນຕາມຊື່ເລີຍ ຄືດອກຈຳປາ... ນອກຈາກດອກຈຳປາແລ້ວ ກໍຍັງມີດອກໄມ້ຫຼາຍຊະນິດປະດັບປະດາໃນສວນແຫ່ງນີ້ນຳ.
ເປີດທຸກວັນ ເວລາ: 09.00-21.00
ໂທ: +85630 9355 603
ສະຖານທີ່: ໄປທາງຖະໜົນທີ່ຕັ້ງ ຖ. 450 ປີ, ເຂົ້າຮ່ອມທາງຫຼັງສະໜາມກິລາແຫ່ງຊາດ, ບ. ນາແຄ, ມ. ໄຊທານີ, ນະຄອນຫຼວງວຽງຈັນ
ເຟສບຸຄ ເພຈ: ສວນອາຫານຈຳປາມຸງຄຸນ Champa Garden and Restaurant
|
3. ສວນອາຫານ ມານາແມະ
(Manamae Garden Restaurant)
ຖ້າກຳລັງຄິດເຖິງທົ່ງນາສີຂຽວ ກວ້າງໆ ບັນຍາກາດດີໆ! ສວນອາຫານມານະແມະເປັນອີກທາງເລືອກໜຶ່ງທີ່ຄວນໄປລອງ ດ້ວຍບັນຍາກາດທີ່ຂຽວສົດຊື່ນ ອາກາດດີ ແຖມຍັງມີຕູບໃຫ້ບໍລິການຫຼາຍຕູບອີກ ມີມຸມຖ່າຍຮູບງາມໆເໝາະກັບສາຍຖ່າຍຮູບທຳມະຊາດ ແລະ ຍ່າງຫຼິ້ນຊິລໆ ໄດ້ບັນຍາກາດຄືຢູ່ທົ່ງນາຂອງແທ້ເລີຍ!!
ເປີດທຸກວັນ ເວລາ: 10.00-21.00
ໂທ: +85620 5565 7700 ແລະ +85620 5700 0042
ສະຖານທີ່: ບ. ດອນຕິ້ວ, ມ. ໄຊທານີ, ນະຄອນຫຼວງວຽງຈັນ. ກາຍວົງວຽນດອນໜູນ ຂີ່ຊື່ມາທາງດ່ານຊ້າງ ກາຍມາໜ້ອຍໜຶ່ງ ມີປ້າຍບອກຢູ່ເບື້ອງຂວາມື ແລ້ວກໍລ້ຽງເຂົ້າມາຕາມປ້າຍເລີຍ.
ເຟສບຸຄ ເພຈ: Manamae Garden Restaurant ມານາແມະ
|
4. ສວນອາຫານແວ່ນາ
(Vaena Garden)
ສຳລັບສວນອາຫານແວ່ນາ ຢາກຈະບອກວ່າຮ້ານນີ້ຕັ້ງສົມຊື່ກັບຕີມບັນຍາກາດຂອງຮ້ານເລີຍ ເພາະບໍລິເວນຂອງຮ້ານຈະມີທົ່ງນາກວ້າງຂວາງ ຂຽວກະຈີ ແລະ ໄດ້ກິ່ນອາຍທຳມະຊາດຈາກຕົ້ນເຂົ້າ ເໝາະແກ່ການໄປພັກຜ່ອນ ໃນວັນສະບາຍໆ ແລະ ຊຶມຊັບກັບຄວາມງົດງາມຂອງບັນຍາກາດຂອງຮ້ານ ບວກກັບລອງຊິມອາຫານ ນັ່ງຫຼິ້ນຊິລໆ ຜ່ອນຄາຍກັບໝູ່ເພື່ອນ ແລະ ຄອບຄົວໄດ້ເປັນຢ່າງດີ.
ເປີດທຸກວັນ ເວລາ: 09.00-21.00
ໂທ: +85630 4835 622
ສະຖານທີ່: ບ. ນາໄຫ, ມ. ຫາດຊາຍຟອງ, ນະຄອນຫຼວງວຽງຈັນ
ເຟສບຸຄ ເພຈ: ສວນອາຫານແວ່ນາ Vaena garden
|
5. ສວນອາຫານປາຍນາ
(Pai Na Garden Restaurant)
ເປັນສວນອາຫານທີ່ກວ້າງຂວາງ ມີບັນຍາກາດສີຂຽວປະຈັກຕາ ຈຸດເດັ່ນຂອງຮ້ານນີ້ນອກຈາກຈະມີສວນດອກໄມ້ ຕົບແຕ່ງເພື່ອຄວາມງາມຂອງສວນແລ້ວ ຍັງມີທາງຍ່າງທີ່ໃຊ້ໄມ້ໄຜ່ມາເຮັດເປັນວົງມົນຂອງທາງຍ່າງນຳ ເອີ້ນໄດ້ວ່າ ເປັນຄວາມຄຣີເອທີຟທີ່ນຳໄມ້ໄຜ່ມາປະຍຸກໃຊ້ ແບບທຳມະຊາດ ເຮັດໃຫ້ຮ້ານອອກມາງາມ ແລະ ໄດ້ບັນຍາກາດດີສຸດໆ.
ເປີດທຸກວັນ ເວລາ: 10.00-21.00
ໂທ: +85620 5666 6517
ສະຖານທີ່: ຖ. 13 ໃຕ້ ຫຼັກ21, ບ. ທ່ານາກ, ມ. ໄຊທານີ, ນະຄອນຫຼວງວຽງຈັນ. ຮ່ອມ ຂ້າງວິທະຍາຄານເຕັກນິກການທະຫານ
ເຟສບຸຄ ເພຈ: ສວນອາຫານປາຍນາPai na Garden Restaurant
|
6. ຮ້ານເລີປາແດກ
(Le Padaek)
ເປັນອີກຮ້ານທີ່ໜ້າສົນໃຈ ແລະ ຫຼາຍຄົນນິຍົມໄປ ດ້ວຍການຕົບແຕ່ງທີ່ຮຽບງ່າຍ ແຕ່ກໍເປັນເອກະລັກ ໂດຍນຳໃຊ້ກະໂຕກຫວາຍມາປະຍຸກໃຊ້ຕົບແຕ່ງຮ້ານ ແຖມຍັງເສີບອາຫານດ້ວຍກະໂຕກຫວາຍນຳ. ສຳລັບຈຸດເດັ່ນຂອງຮ້ານນີ້ກໍແມ່ນ ໜອງບົວທີ່ໃຫ້ບັນຍາກາດດີໆ ມີເປັັດລອຍນ້ຳ ໄດ້ຟີລລິ້ງທຳມະຊາດໆໄປອີກ.
ເປີດທຸກວັນ ເວລາ: 11.00-21.00
ໂທ: +85630 5557 766
ສະຖານທີ່: ບ. ນາໄຊ, ນະຄອນຫຼວງວຽງຈັນ
ເຟສບຸຄ ເພຈ: Le Padaek
|
7. ສວນອາຫານງື່ມວິວ
(Nguem View Art Garden)
ເປັນອີກຮ້ານທີ່ມີຄວາມເປັນເອກະລັກ ແລະ ສໄຕລ໌ຂອງໂຕເອງ ໂດຍການນຳໃຊ້ວັດສະດຸເກົ່າໆມາປະຍຸກໃຊ້ ເຮັດໃຫ້ຮ້ານໜ້າສົນໃຈຂຶ້ນ ບໍ່ວ່າຈະເປັນຕູ້ເກົ່າ, ປະຕູເກົ່າ, ລົດຄັນເກົ່າໆ ໆລໆ ສ້າງໃຫ້ຮ້ານມີຄວາມເກົ໋າ ແລະ ວິນເທຈໄປອີກແບບ!! ສວນອາຫານງື່ມວິວ ມີບໍລິເວນທີ່ກວ້າງຂວາງ ບໍ່ແອອັດ ແລະ ອາກາດໂລ່ງ. ນອກຈາກໄປຮັບປະທານອາຫານແຊບໆແລ້ວ ກໍຍັງມີບ່ອນໃຫ້ຖ່າຍຮູບ ແລະ ເກັບຄວາມປະທັບໃຈກັບບ້ານໄປພ້ອມ.
ເປີດທຸກວັນ ຍົກເວັ້ນວັນຈັນ ເວລາ: 10.00-20.00
ໂທ: +8520 9885 5668
ສະຖານທີ່: ບ.ທ່າງ່ອນ, ຮ່ອມ ໂຮງໝໍເມືອງໄຊທານີ, ນະຄອນຫຼວງວຽງຈັນ
ເຟສບຸຄ ເພຈ: Nguem View Art Garden ສວນອາຫານງື່ມວິວ
|
8. ສວນອາຫານອ້າຍເອງ
(Ai-Eng Restaurant and Garden)
ເປັນສວນອາຫານມີຄວາມປະສົມທັງຕູບແຄມນ້ຳ ທີ່ໄດ້ບັນຍາກາດແບບຄວາມຣຽວຂອງທຳມະຊາດ ແລ້ວຍັງມີໂຕະຕັ່ງນັ່ງທີ່ຈັດຢູ່ໃນລານທີ່ກວ້າງ ມີຫຍ້າປອມ ທີ່ສ້າງບັນຍາກາດສີຂຽວອີກແບບໜຶ່ງອີກດ້ວຍ. ບໍ່ວ່າຈະເປັນບັນຍາກາດສີຂຽວແບບໃດ ຮ້ານນີ້ກໍໜ້າໄປລອງ. ສຳລັບຕູບແມ່ນຕັ້ງຢູ່ແຄມນ້ຳ ເຢັນໆ ອາກາດໂລ່ງ ນັ່ງຊິລໆ ແຖມຍັງມີຜ້າກັ້ງອີກ (ໄວ້ກັ້ງຕອນແດດແຮງ ບໍ່ຂັດອາລົມນຳ) ມີທັງໝົດ 46 ຕູບ.
ເປີດທຸກວັນ ເວລາ: 10.00-23.30
ໂທ: +85620 5626 2691 ແລະ +85620 2392 2252
ສະຖານທີ່: ບ. ໜອງໄຮ, ມ. ຫາດຊາຍຟອງ, ນະຄອນຫຼວງວຽງຈັນ
ເຟສບຸຄ ເພຈ: ສວນອາຫານອ້າຍເອງ
9. ບ້ານສວນກາເຟສົດ
Café Garden: creative, nature
ເປັນອີກຮ້ານທີ່ໜ້າສົນໃຈ ດ້ວຍການອອກແບບ ແລະ ຕົບແຕ່ງຮ້ານໃຫ້ເປັນລັກສະນະຮຽບງ່າຍ ແລະ ເຂົ້າກັບຕີມທຳມະຊາດ. ໂດຍໂຕຮ້ານຈະໃຊ້ວັດສະດຸທົ່ວໄປທີ່ ສ້າງໃຫ້ຮ້ານເປັນຄືສວນຫຼັງບ້ານ ໄດ້ຟີລລິ້ງຄືນັ່ງກິນໃນສວນຫຼັງບ້ານເຮົາເອງນີ້ແຫຼະ! ຍ້ອນຄວາມຮຽບງ່າຍນີ້ແຫຼະເປັນສິ່ງດຶງດູດ, ໂຕະອາຫານກໍຈະໃຊ້ໂຕະທີ່ເປັນຈັກເຮັດເສື້ອຜ້າ ປະຍຸກມາເປັນໂຕະແບບວິນເທຈ, ທາງຍ່າງກໍຈະມີຕົ້ນໄມ້ອ້ອມສອງຂ້າງທາງ ແລະ ມີຕັ່ງໄມ້ຍາວຮຽງກັນ, ມີເປ ເປັນບ່ອນນັ່ງຫຼິ້ນອີກ.
ເປີດທຸກວັນ ຍົກເວັ້ນວັນເສົາ ເວລາ: 07.00-21.00
ໂທ: +85620 5569 9526
ສະຖານທີ່: ຖ. ເລກທີ13ໃຕ້, ມ. ໄຊທານີ, ນະຄອນຫຼວງວຽງຈັນ
