Crowne Plaza Vientiane

ປະສົບການການກັກຕົວ 14 ວັນ ຢູ່ທີ່ໂຮງແຮມ ຄຣາວ ພລາຊ່າ ວຽງຈັນ

ປະສົບການການກັກຕົວ 14 ວັນ ຢູ່ທີ່ໂຮງແຮມ ຄຣາວ ພລາຊ່າ ວຽງຈັນ

ENGLISH

|

ຄວາມເພິ່ງພໍໃຈຂອງແຂກແມ່ນຖືເປັນສິ່ງສຳຄັນອັນດັບຕົ້ນໆທີ່ທາງທີມງານໂຮງແຮມ ຄຣາວ ພລາຊ່າ ວຽງຈັນ ໄດ້ໃຫ້ບຸລິມະສິດສູງສຸດ. ບໍ່ວ່າທ່ານຈະເຂົ້າພັກໃນຈຸດປະສົງທາງທຸລະກິດວຽກງານ, ທ່ອງທ່ຽວ ຫຼື ແມ່ນແຕ່ກັກຕົວກໍຕາມ, ພວກເຮົາກໍ່ຈະອຳນວຍຄວາມສະດວກໃນທຸກໆດ້ານ ທີ່ມີຄວາມປອດໄພຂັ້ນສູງໃຫ້ແກ່ທ່ານຢູ່ສະເໝີ. ດ້ວຍການນີ້ແລ້ວ, ເຮົາຈຶ່ງມີຄວາມຕັ້ງໃຈທີ່ສະເສີມສ້າງປະສົບການການເຂົ້າພັກເພື່ອກັກຕົວຂອງທ່ານ ໃຫ້ສະດວກສະບາຍ ແລະ ຢູ່ໃນຄວາມປອດໄພທີ່ສຸດ.

ການເຂົ້າພັກເພື່ອກັກຕົວຂອງທ່ານແມ່ນໄດ້ເລີ່ມປະຕິບັດເຂັ້ມງວດຕັ້ງແຕ່ກ້າວທຳອິດທີ່ທ່ານລົງສະໜາມບິນ ຫຼື ໃນຂະນະທີ່ທ່ານຂ້າມຂົວມິດຕະພາບມາຈາກຝັ່ງໄທ, ໂດຍຈະມີທີມງານຂອງໂຮງແຮມມາຄອຍຖ້າຮັບທ່ານ ເຊິ່ງພວກເຂົາໄດ້ສວມໃສ່ອຸປະກອນປ້ອງກັນ (PPE suit) ແລະ ຍັງທຳການຂ້າເຊື້ອລົດໂດຍສານທຸກໆຄັ້ງຫຼັງຈາກທີ່ໄປຮັບສົ່ງແຂກ ຈົນທ່ານສາມາດໝັ້ນໃຈໄດ້ເລີຍວ່າ ຕົວທ່ານ ແລະ ແຂກຄົນອື່ນໆ ລວມເຖິງພະນັກງານ ແມ່ນໄດ້ຮັບການຄຸ້ມຄອງຢ່າງໜາແໜ້ນ.

ພະນັກງານຂອງທາງເຮົາຍັງໄດ້ຮັບການຝຶກອົບຮົມຢ່າງທົ່ວເຖິງ ແລະ ຮອບດ້ານ ເພື່ອໃຫ້ເກີດມີປະສິດທິພາບສູງສຸດເມື່ອລົງມືປະຕິບັດຕົວຈິງ ພ້ອມນັ້ນ ພວກເຂົາຍັງເຄັ່ງຄັດກ່ຽວກັບການຖອດປ່ຽນໜ້າກາກ ແລະ ຖົງມືເປັນປະຈຳ, ການຮັກສາໄລຍະຮ່າງສ່ວນບຸກຄົນ ແລະ ຂັ້ນຕອນຄວາມປອດໄພຍິກຍ່ອຍຕ່າງໆ.

ກ່ອນເຂົ້າມາຍັງພາຍໃນອາຄານໂຮງແຮມ, ທຸກໆຄົນຕ້ອງໄດ້ທຳການຂ້າເຊື້ອພື້ນເກີບ, ການກວດວັດອຸນຫະພູມຮ່າງກາຍ ແລະ ລວມເຖິງການລ້າງມືຂ້າເຊື້ອໃຫ້ສະອາດ ເຊິ່ງລ້ວນແລ້ວແຕ່ເປັນລະບຽບບັງຄັບທີ່ຕ້ອງເຮັດເມື່ອເຂົ້າມາໂຮງແຮມ. ພ້ອມນັ້ນ ທຸກຄົນຕ້ອງໄດ້ສວມໃສ່ໜ້າກາກໃນລະຫວ່າງທີ່ຢູ່ຕາມພື້ນທີ່ສາທາລະນະ ແລະ ສ່ວນພະນັກງານແມ່ນຕ້ອງໄດ້ປະຕິບັດມາດຕະການຮັກສາໄລຍະຮ່າງສ່ວນບຸກຄົນຕະຫຼອດເວລາອີກດ້ວຍ. ສ່ວນພະນັກງານຕ້ອນຮັບແມ່ນຈະໃສ່ໜ້າກາກແວ່ນໃສ ເຊິ່ງພວກເຂົາໄດ້ເຄັ່ງຄັດໃນການລ້າງມືຂ້າເຊື້ອ ແລະ ເຊັດຖູອະນາໄມໂຕະລົງທະບຽນເຂົ້າພັກຕະຫຼອດເວລາ. ໃນຂະນະການລົງທະບຽນເຂົ້າພັກ, ທ່ານຍັງຈະໄດ້ຮັບການສີດນ້ຳຢາຂ້າເຊື້ອກະເປົາເດີນທາງຂອງທ່ານອີກດ້ວຍ ເພື່ອໃຫ້ແນ່ໃຈວ່າ ການເຂົ້າພັກຢູ່ທີ່ປະເທດລາວຂອງທ່ານແມ່ນຢູ່ໃນຄວາມປອດໄພສູງສຸດ.

 

ທ່ານຈະໄດ້ຮັບຄີກາດທີ່ສາມາດໄຂເຂົ້າຫ້ອງຂອງທ່ານໄດ້ແຕ່ພຽງຄັ້ງດຽວ ເພື່ອໃຫ້ທ່ານໄດ້ທຳການພັກອາໄສຢູ່ພຽງແຕ່ໃນຫ້ອງພັກດັ່ງກ່າວຕະຫຼອດໄລຍະການກັກຕົວຂອງທ່ານ ທັງນີ້ກໍເພື່ອຄວາມປອດໄພຂອງຕົວທ່ານ ແລະ ຜູ້ຄົນອ້ອມຂ້າງນັ້ນເອງ. ຈະມີການກວດວັດອຸນຫະພູມ 2 ຄັ້ງຕໍ່ມື້ ເພື່ອເຮັດການລາຍງານຕໍ່ເຈົ້າໜ້າທີ່ທາງການແພດ ເຊິ່ງເປັນຜູ້ທີ່ຄອຍເຝົ້າຕິດຕາມການເຄື່ອນໄຫວຂອງທ່ານ ແລະ ລວມໄປເຖິງການກວດເຊື້ອພະຍາດໂຄວິດ-19.

 

ເນື່ອງດ້ວຍທ່ານຈະພັກອາໄສຢູ່ໃນຫ້ອງພັກເປັນເວລາເຖິງ 14 ວັນ, ທາງເຮົາຈຶ່ງໄດ້ກຽມພ້ອມທຸກຢ່າງແບບຄວບຄຸມ ແລະ ຮອບດ້ານເພື່ອໃຫ້ການເຂົ້າພັກໄລຍະຍາວຂອງທ່ານນີ້ອອກມາເປັນທີ່ໜ້າເພິ່ງພໍໃຈທີ່ສຸດ. ຫ້ອງພັກຂອງພວກເຮົາແຕ່ລະຊັ້ນນັ້ນມີຂະໜາດທີ່ກວ້າງ ໂດຍເລີ່ມຕົ້ນທີ່ 34 ຕາແມັດ, ພ້ອມກັບປະຕູປ່ອງຢ້ຽມຂະໜາດໃຫຍ່ທີ່ສາມາດເຫັນວິວຕົວເມືອງໄດ້ຢ່າງຈະແຈ້ງ. ບໍ່ເວົ້າເຖິງສິ່ງອຳນວຍຄວາມສະດວກອື່ນໆເຊັ່ນ ຟັກບົວ, ອ່າງອາບນ້ຳ, ອິນເຕີເນັດຄວາມໄວສູງ, ໂທລະພາບທີ່ທັນສະໄໝ, ໂຊຟາ, ໂຕະເຮັດວຽກ, ແລະ ທີ່ໂລ່ງກວ້າງເຊິ່ງເໝາະແກ່ການອອກກຳລັງກາຍ. ຫ້ອງພັກຂອງທ່ານຍັງເກັບຕຸ໋ນອຸປະກອນອາບນ້ຳ, ຜ້າຂົນໜູ, ແລະ ອື່ນໆນຳອີກ ເພື່ອຮອງຮັບການພັກອາໄສທີ່ຍາວນານຂອງທ່ານນັ້ນເອງ ແຕ່ຢ່າງໃດກໍຕາມ ທາງໂຮງແຮມເຮົາກໍຍິນດີທີ່ຈະຈັດຫາສິ່ງທີ່ທ່ານຕ້ອງການໃຫ້ເພີ່ມເຕີມ ທັນທີທີ່ທ່ານຮ້ອງຂໍ.


 

ຢ່າງຂາດບໍ່ໄດ້, ທາງເຮົາໄດ້ມີການຊັກເຄື່ອງນຸ່ງໃຫ້ແກ່ທ່ານໃນລະວ່າງການກັກຕົວອີກດ້ວຍ ໂດຍທ່ານສາມາດວາງເສື້ອຜ້າທີ່ທ່ານໃຊ້ແລ້ວໄວ້ໃນຖົງກະເປົາທີ່ທາງເຮົາຈັດໄວ້ໃຫ້ດ້ານອກ, ແລ້ວຈະມີທີມງານສະເພາະຂຶ້ນມາເກັບເອົາເຄື່ອງນຸ່ງດັ່ງກ່າວ ເຊິ່ງພວກເຂົາໄດ້ສວມໃສ່ອຸປະກອນປ້ອງກັນຢ່າງຄົບວົງຈອນໃນລະຫວ່າງການປະຕິບັດໜ້າທີ່.ນອກນີ້, ຫາຍຫ່ວງໄດ້ຢ່າງແນ່ນອນວ່າເຄື່ອງນຸ່ງຂອງທ່ານໄດ້ຖືກນຳເອົາໄປຊັກລວມກັບເຄື່ອງນຸ່ງຂອງແຂກຜູ້ອື່ນ ໍຫຼື ບໍ່. ເພາະວ່າເຮົາໄດ້ໄຈ້ແຍກຢ່າງລະອຽດ ແລ້ວນຳເອົາໄປຊັກລີດດ້ວຍນ້ຳຢາຂ້າເຊື້ອ ຈາກນັ້ນກໍນຳເອົາໄປສົ່ງຄືນຢູ່ທີ່ປະຕູຫ້ອງພັກຂອງທ່ານ.

 

ຄວາມເປັນຢູ່ທີ່ດີ ແລະ ສຸຂະພາຍຂອງແຂກແມ່ນຖືເປັນສ່ວນສຳຄັນອັນດັບຕົ້ນທີ່ທາງໂຮງແຮມເຮົາຄຳນຶງເຖິງ ເຊິ່ງປຽບເໝືອນຄຳໝັ້ນສັນຍາທີ່ທາງເຮົາໄດ້ມອບໃຫ້ແກ່ແຂກທຸກຄົນກ່ອນທີ່ຈະມາໃຊ້ບໍລິການ. ດ້ວຍເຫດຜົນນີ້, ທາງເຮົາຈຶ່ງໄດ້ມີໂປຣແກຣມ IHG Clean Promise program ທີ່ຈະເຮັດໃຫ້ທ່ານຮູ້ສຶກໝັ້ນໃຈ ແລະ ຕະໜັກຮູ້ຢູ່ຕະຫຼອດເວລາວ່າຄວາມສະອາດ ແລະ ສຸຂະພາບທີ່ດີຂອງແຂກແມ່ນຖືເປັນບູລິມະສິດສູງສຸດ.

 

ແນ່ນອນ, ຢູ່ທີ່ໂຮງແຮມ ຄຣາວ ພລາຊ່າ ຂອງພວກເຮົາ ໄດ້ມີການສ້າງສັນເມນູອາຫານຄຸນນະພາບເລີດທີ່ຫຼາກຫຼາຍ ທັງໃນລົດຊາດ ແລະ ເມນູ ເຊິ່ງນີ້ຈະຊ່ວຍເຕີມເຕັມປະສົບການການກັກຕົວຂອງທ່ານໃຫ້ມີສີສັນຫຼາຍຂຶ້ນ ເພາະອາຫານຂອງທາງເຮົາແມ່ນເສີບບໍ່ຊ້ຳກັນໃນແຕ່ລະມື້ ເຊິ່ງທ່ານສາມາດຈັດສັ່ງເມນູໄດ້ຕາມຄວາມຕ້ອງການ. ບໍ່ວ່າລົດສະນິຍົມທາງການຮັບປະທານອາຫານຈະເປັນໄປໃນທິດທາງໃດ, ອາຫານອາຊີ, ອາຫານຕາເວັນຕົກ, ຟິວຊັ້ນເມນູ, ອາຫານມັງສະວິລັດ, ອາຫານວ່າງ, ເຄື່ອງດື່ມຕ່າງໆ ແມ່ນເຮົາໄດ້ລວມທຸກຢ່າງໄວ້ໃຫ້ທ່ານໄດ້ເລືອກສັ່ງຢູ່ທີ່ນີ້ແລ້ວ. ທີ່ໜ້າສົນໃຈໄປກວ່ານັ້ນ, ຍັງໄດ້ມີນູພິເສດທີ່ຄິດຄົ້ນກັນສົດໆໃນມື້ນັ້ນ ໂດຍເຊຟ໌ຝີມືດີ ລວມໄປເຖິງເມນູຊຸບປະຈຳວັນອີກດ້ວຍ. ຖ້ານີ້ຍັງວ່າບໍ່ພຽງພໍ, ທ່ານຍັງສາມາດສັ່ງອາຫານແບບ à la carte ໄດ້ທຸກເມື່ອ. ເຊື່ອວ່າມີພຽງແຕ່ທີ່ນີ້ທີ່ດຽວເທົ່ານັ້ນ, ທີ່ທ່ານສາມາດເພີດເພີນໄປກັບອາຫານທີ່ບໍ່ຊ້ຳກັນໃນລະຫວ່າງການກັກຕົວ 14 ວັນ.

 

ທາງເຮົາໄດ້ເສີບອາຫານໃຫ້ກັບທ່ານໂດຍບັນຈຸໃສ່ຕູ້ຮ້ອນ ແລ້ວຍົກຂຶ້ນລໍ້ເຂັນສົ່ງໄປຍັງໜ້າປະຕູຫ້ອງພັກຂອງທ່ານ. ເຊິ່ງນີ້ໝາຍຄວາມວ່າ ອາຫານທີ່ນຳໄປປະໄວ້ນັ້ນ ແມ່ນຢູ່ໃນຄວາມສົດຮ້ອນຕະຫຼອດເວລາທີ່ທ່ານສາມາດຮັບປະທານແບບເຕັມອີ່ມໄດ້. ເມື່ອຮັບປະທານອາຫານຮຽບຮ້ອຍແລ້ວ ແມ່ນໃຫ້ນຳເອົາໄປປະໄວ້ທີ່ໜ້າຫ້ອງພັກຈຸດທີ່ພະນັກງານຈະມາເກັບ ເພື່ອນຳກັບໄປຂ້າເຊື້ອທັງໝົດສຳລັບການໃຊ້ງານຄັ້ງຕໍ່ໄປ.

 

ທາງເຮົາຍັງໄດ້ມີຄວາມປະສົງທີ່ຈະໃຫ້ຫ້ອງພັກຂອງທ່ານມີພື້ນທີ່ພຽງພໍ, ດັ່ງນັ້ນທາງເຮົາຈຶ່ງໄດ້ສະສາງຕູ້ເຢັນໃຫ້ໂລ່ງວ່າງເພື່ອທ່ານຈະໄດ້ມີພື້ນທີ່ພຽງພໍສຳລັບຈັດເກັບສິ່ງຕ່າງໆ.

 

ທາງເຮົາສາມາດກາລັນຕີໃນມາດຕະການການບໍລິການລູກຄ້າທີ່ດີເລີດຂອງທາງເຮົາ ແລະ ເຮົາໄດ້ຕະໜັກເຖິງຄວາມສຳຄັນ ແລະ ຄວາມເອົາໃຈໃສ່ເປັນພິເສດໃນໄລຍະການພັກອາໄສເພື່ອກັກຕົວຂອງທ່ານ. ດ້ວຍການນຳເອົາແພັກເກັດກັກຕົວມາປະຍຸກໃຊ້ກັບການບໍລິການທີ່ຈິງໃຈຂອງ IHG True Hospitality, ດັ່ງນັ້ນຫາກທ່ານຕ້ອງການສິ່ງອື່ນທີ່ນອກເໜືອຈາກທີ່ມີໃນລາຍການເບື້ອງຕົ້ນ ຫຼື ທ່ານມີຂໍ້ຈຳເປັນອື່ນໆ, ແມ່ນແຈ້ງໃຫ້ທາງເຮົາຊາບໂດຍທັນທີ ແລ້ວທາງເຮົາຈະຫາວິທີທີ່ດີທີ່ສຸດໃຫ້ແກ່ທ່ານ. ເພາະແນ່ນອນ, ທາງເຮົາຈະບໍ່ປ່ອຍໃຫ້ທ່ານອອກຈາກອະນາເຂດກັກຕົວ ຈົນກວ່າຈະສິ້ນສຸດການກັກຕົວ!

 

ທາງເຮົາຫວັງວ່າທ່ານຈະໄດ້ຮັບປະສົດການການກັກຕົວທີ່ແສນຜ່ອນຄາຍ ແລະ ປອດໄພທີ່ສຸດ ແລະ ທາງເຮົາຍັງຕັ້ງໜ້າທີ່ຈະຕ້ອນຮັບທ່ານມາແວ່ຊິມອາຫານລົດເລີດທີ່ຮ້ານອາຫານຂອງພວກເຮົາທັນທີທີ່ທ່ານສິ້ນສຸດການກັກຕົວ.

 

ສອບຖາມຂໍ້ມູນເພີ່ມເຕີມໄດ້ທີ່ +856 21 908 888 ຫຼື ອີເມລ vientiane.reservation@ihg.com

|

AMENITIES

|

40-inch LED TV
Netflix
Personal safe
Bathroom amenities for 14 days
Posturepedic mattress
iPod docking station/iHome
High-speed internet access
Convenient USB ports
Daily five-star breakfast, lunch and dinner

|

IHG Clean Promise

ໃນຂະນະທີ່ໂລກໄດ້ປັບຕົວເຂົ້າກັບບັນທັດຖານ ແລະ ຄວາມຄາດຫວັງໃນດ້ານການເດີນທາງຮູບແບບໃໝ່, ທາງໂຮງແຮມ ແລະ ລີສອດໃນເຄືອ IHG ຈຶ່ງໄດ້ມີແບບແຜນທີ່ຈະຍົກລະດັບປະສົບການການພັກຜ່ອນຄັ້ງໃໝ່ໃຫ້ແກ່ບັນດາແຂກທີ່ເຂົ້າພັກ ຜ່ານຂະບວກການທຳຄວາມສະອາດທີ່ລະອຽດ ແລະ ອຳນວຍຄວາມສະດວກໃຫ້ແກ່ແຂກໃນທຸກໆດ້ານຕະຫຼອດການເຂົ້າພັກ ບໍ່ວ່າຈະເປັນ:

ການນຳໃຊ້ມາດຕະການຄວາມສະອາດຂັ້ນສູງສຸດຂອງ IHG Way of Clean

ການຮ່ວມມືກັບບໍລິສັດທີ່ຊ່ຽວຊານລະດັບແຖວໜ້າ ບໍ່ວ່າຈະເປັນ  Cleveland ClinicEcolab ແລະ Diversey

ການເປີດໃຊ້ແຜນການ IHG Clean Promise ແບບສາກົນ

ບາດກ້າວການເດີນທາງໃນອະນາຄົດອາດມີຄວາມແຕກຕ່າງໄປຈາກກ່ອນ, ແຕ່ສິ່ງທີ່ບໍ່ເຄີຍປ່ຽນແປງເລີຍກໍ່ຄື ການບໍລິການທີ່ຈິງໃຈຈາກພວກເຮົາ ເຊິ່ງໄດ້ເລັງໃສ່ຄວາມປອດໄພ ແລະ ສຸຂະອານາໄມຕະຫຼອດການເຂົ້າພັກຂອງແຂກ.